داد و بيـدادم سي ايــلم تكـــسواري ني ديه
شـو گرهـمون اي خــدا افتـو دراري ني ديه
اي زمستون نيروه ، دي برف و سرما كشتمون
لاله و باويـنه و فــصل بـــهاري ني ديه
دشمـنون بخــتيـاري پا گــرهدن هم ز نــو
اسب و زين و برنو و شال و قطاري ني ديه
بنگ ام يك ، بنگ برنو، نيوريسته دي ز كه
بردشيــري به ســر سيــنه مـزاري ني ديه
اسب منده بي سـوار و شيرعليــمردونه نيد
اوكري كه شـاه ز ترسـس بو فراري ني ديه
نـادر افــشار رو فـكري بكن سي قنــدهار
ايــل آماده به جنـــگ قنــــدهاري ني ديه
ايلمون منده به جا ، بهمن ز نو سيمون بخون
ميـنه سيـنه شـوق كوچ و گردواري ني ديه
حالو زال وا سر مزن كس گوشوحرفت نيكنه
فـاده اي ز اي همه فـرياد و زاري ني ديه
حالو زال و بهمن ومو حرفمون بي فايده ي
تا كه چــوقا به ور پـيا بختـياري ني ديه
اي خدا ايـبو اخيرس بخــتياري بو يه ايـل
تا بيا روزي كه بينم هفت و چاري ني ديه
دشمـنون شـوخي به مال شيرپيايل زيدنه
داد و بيــدادم سي ايـلم تكــسواري ني ديه
View Raw Image" href="http://s3.tinypic.com/2agloa9.jpg">
